Abbasce 'o mare
ce sta chi venne ammore
pe' quatte solde
ca nun servono a niente.
ce sta chi venne ammore
pe' quatte solde
ca nun servono a niente.
Abbasce 'o mare
ce sta chi piglia 'o sole
chi crere ca 'a vita
è sulo divertimento.
Abbasce 'o mare
ce sta chi venne
'e gelatielle frische
pe ll'estate caura e afosa.
Abbasce 'o mare
c'è chi fatica
chi cerca 'e piscà
pe purtà a casa 'o magnà.
Abbasce 'o mare
c'è chi venne 'o cocco frisco
c'è chi crere ancora
ca ll'estate è duratura.
Abbasce 'o mare
'a brezza e 'a salsedine
ll'addore 'e mare
ca s'azzecca nguollo e nun te lassa.
Abbasce 'o mare
c'è 'a vita
l'inverno ca fernesce
e ll'estate ca accumenza!
Poesia scritta il 06/12/2010 - 13:03Letta n.695 volte.
Voto: | su 0 votanti |
Commenti
Nessun commento è presente
Inserisci il tuo commento
Per inserire un commento e per VOTARE devi collegarti alla tua area privata.