POESIA

esce ogge e dimane, và fòre
và miezzo 'a via e cammina:
che ce faje dint'a l'ombra
'e sta prigione scura
ca te si fatto su misura?
'O campà sta là e t'aspetta:
guarda 'e stelle 'a luna e 'o mare
piglia sole e calore chiù ca può
fatto na corsa e nun te fermà
fino a che nun te manca 'o sciato!

Chi t'o ddice have ragione!
Và mmiez’a l'ato,
tuzzele struscele e parlace
di' chello ca maje dice
astrigno na mano, dà nu vaso
accattàte nu gelato: campa ovèro!
Lascia stà 'e suonno ca te faje
e 'a fantasia dille puro accussì:
-Si, amica mia, tu me faje cumpagnìa
ma sulo cu te nun se po' campà!-

Mo' vene primavera
và 'a truvà nu sciòre
e siento comme addòre!
Puro 'a vita toje
e' comm'a nu sciòre
nun 'a fà seccà e murì
dint'a nu carcere comme faje tu!
Nun saje c'acqua 'e sciùmmo
passa subbeto e po' scumpare
pe' nun turnà maje cchiù?

Poesia scritta il 03/03/2015 - 11:25

Da Angelo Michele Cozza

Letta n.1329 volte.

Sempre dolce per me la lettura del grande dialetto napoletano, il più ricco di poesia spontanea che io conosca!
Vera

Vera Lezzi 04/03/2015 - 09:51

--------------------------------------

Bravo! Chiena 'e vita e gioia.
'A vita è una sol' amma campa' e nun amma' sciupà, chesta è na grand' opportunità, e tu ric na' grossa v'rità!
Cià...

Gio Vigi 03/03/2015 - 21:36

--------------------------------------

Area Privata

Nome :

Password :

Hai perso la password?

______________________________________________________________________