POESIA

Dormi paisi miu
stinnnicchiatu tra li munti iblei
chi to casi, novi e vecchi
e i to chiesi chi da luntanu paruno manu isati o cielu
dormi paisi miu, e nù tà risrispigghiari
chi nì sta notti di calura
sonnu nun pozzu pigghiari
e na paci di chistu silenziu
caminu pì to strati e li to curtigghi
nzèmmula e mè pinzeri, e u cantari di li griddi
quanti poeti hanu scrittu nì sti vaneddi
da Capuana a Bonaviri raccuntannu li to biddizzi
parrannu di chistu e di chiddu
furriannu ne to viuzzi chi sciaurunu di pani friscu
oduri chi nesci da li putii di li furnari
e ora ci sugnu jù ca nun sugnu nu poeta
ma pi piaci scriviri di tia
dormi paisi miu, ccà dumani tà risbigghi cù li soni di li campani
e li botti di li bummi, chi annunzianu la festa di la nostra santa patruna.

Leonardi Calogero 5/07/2012

Poesia scritta il 07/07/2012 - 14:49

Da Calogero Leonardi

Letta n.1680 volte.

Area Privata

Nome :

Password :

Hai perso la password?

______________________________________________________________________