POESIA

Bedda mia Annittina
Unni ha statu stamatina?

Ti n’isti o mercatu a fari spisi?
Nun è ca pi casi facisti autri loschi cosi!

N’ucidduzzu canterinu,
mi dissi… ca ti visti accumpagnata cu me cuscinu.

U sai cu è?
Chiddu ca mi dicivi ca chiù beddu nun ci n’è!
Ca ti piacissi avillu comu re!

E iu ca cridiva d’essiri u to innanuratu.
Inveci mi lassasti sulu e impusulunatu.

U vidu ca a tia piaci essiri na farfalluzza.
E mancu a mia piaci fari a fiura di na cucuzzza.

Ora, haiu l’impressioni ca sta cucuzzedda
divintò acida comu a ricotta na vascedda.

Nun mi va chiù di stari cu tia accumpagnatu.
Mi sentu un passuluni e puri nu bruttu puddicinu vagnatu.

Vattinni.
Ti lassu libera di iucari
chi cori di picciotti ca cu tia vonu babbiari.
Nun è ca, cu chistu, ti vogghiu rimproverari,
u to tintu cumportamentu accussì arditu!

U fattu è ca nun vogghiu passari
pi n’emeritu scimunitu.
Di corna e curnicedda
nun ni vogghui purtari na me testa.

Ti dicu sulu ca quantu prima ti ni vai,
fazzu, di cursa, na gran festa.

(Brano tratto dal libro dello stesso autore: “Disegni d’autore e poi… Serenate, Canzoni, Cantilene, lamenti, e litigi d’amore” Ediz. Youcanprint self publishing. Settembre 201)
L’immagine ad acquerello allegata, così pure le altre che accompagnano i precedenti brani, sono dipinti dello stesso autore, creati per illustrare propri libri di fiabe)