POESIA

Ij te parlavo
e chisto còre mij t’addimannave
se tanta ‘razzia se putesse avè,
e senza fa’ capì…
tu me sentive.

Tu me sentive, si,
tu me sentive
pure se stèvo mmiezzo a tanta ggente,
che cu preghiere e cant’ te cercava,
tu mmiezzo a tanta folla
me sentive.

Ij te priavo
Maronna ‘e ll’Arc’ mij
ij te priavo.
Mentre ‘a chist’uocchie lacrime scennevano
comm’ a funtane senza se fermà
…senza te fa’ vedè
tu me parlaste.

Tu me parlaste
pecchè ‘stu core ‘n pietto te sentette,
pecchè ‘sta razzia ‘o vero me l’è fatta.
Maronna ‘e ll’Arc’ mij,
mamma de’ mamme,
mo chiagno ‘e ggioia e prego tutt’ ‘e juorne
pecchè ‘sta ‘razzia ‘o vero ce le fatta.

Tu mmiezzo a tanta ggente me sentuto…
Tu miezzo a tanta lacrime ‘e capite
che chisto còre mij te cercava.
Grazzie Maronna mij,
mamma de’ mamme,
ij chesta ‘razzia nun me ‘a scordo maje.